नवलपुर । कमी कमजोरी र त्रुटिलाई सच्याउँदै जानुको विकल्प नभएकाे ईन्द्रावती गाउँपालिकाका अध्यक्ष झम्कनाथ नेपाल बताएका छन ।
काम गर्ने क्रममा कमी कमजोरी र त्रुटि हुने भएकाले कमजोरीलाई सच्याउदै जानुको विकल्प नरहेकाे नेपालकाे भनाई छ । आइतवार भएकाे इन्द्रावती गाउँपालिकाकाे दोस्रो गाउँ सभाको पाँचौं अधिवेशन काे शुन्य समयमा गाउँसभाका सदस्यहरुको गुनासोलाई सम्वाेधन गर्दै अध्यक्ष नेपालले इन्द्रावतीमा सत्तापक्ष र प्रतिपक्षी नभएको भन्दै सबै जनप्रतिनिधि समान भएको बताए ।
सत्तापक्ष र प्रतिपक्षी भन्नु मनोवैज्ञानिक असर भएको नेपालको भनाइ थियो । अघिल्लो गाँउ सभा गणपुरक सङ्ख्या नपुगेका कारण स्थगित भएको अध्यक्ष नेपालले स्पष्ट पारे । इन्द्रावतीलाई समृद्ध बनाउनका लागी र स्थानीयलाई लाभान्वित बनाउनका लागी सबैसँग बसेर छलफल गर्न आफु तयार रहेको उनले बताए ।
किसानलाई दुध उत्पादनमा लाग्न आग्रह गर्दै चिस्यान केन्द्र राख्नको लागी गाउँपालिका सकारात्मक रहेको जानकारी दिए । मल बिक्री वितरणमा आएको समस्या समाधान गर्नका लागी समेत नेपालले प्रमुख प्रशासकीय अधिकृतको ध्यानाकर्षण गराए ।
