मेलम्ची । ईलाका प्रहरी कार्यालय मेलम्ची सिन्धुपाल्चोकको आयोजनामा समुदाय प्रहरी साझेदारी विषयक जनप्रतिनिधि, व्यवसायी तथा स्थानीय नागरिकसँग अन्तरक्रिया कार्यक्रम गरिएको छ ।

आईतबार मेलम्चीमा प्रमुख जिल्ला अधिकारी झक्क प्रसाद आचार्यको प्रमुख आतिथ्यतामा सो कार्यक्रम गरिएको हो ।

कार्यक्रममा उपस्थीतिहरुले नागरिकता बनाउँन झन्झट दुख दिने गरेको , मालपोत नापी कार्यलयमा सेवाग्राहीलाई दुख दिने गरेको ,एक वर्षदेखि चोरीका घट्ना भईरहदा सो  घट्नामा संलग्न व्यक्ति पत्ता लगाउँन प्रहरी असफल भएको गुनासो सुनाएका थिए । यस्तै जन्म दर्ता र विवाह दर्ता गर्दा प्रतिनिधिहरुले ध्यान दिनुपर्ने ,बाढीले बगाएको संरचनाको व्यवस्थापन गर्नुपर्ने लगायतका सुझाव समेत  दिएका थिए  ।

उक्त कार्यक्रममा बोल्दै जिल्ला प्रहरी कार्यलयका प्रमुख तथा एसपी बाल नरसिंह राणाले  सुरक्षाको सबै जिम्मेवारी प्रहरीले मात्रै लिन नसक्ने बताए । आम नागरिकको सुरक्षामा सबैले हातेमालो गर्दै साथसहयोग गर्नुपर्ने एसपी राणाको भनाई छ ।

प्रमुख जिल्ला अधिकारी झक्क प्रसाद आचार्यले सबैले आआफ्नो ठाउँबाट जिम्मेवारी बहन गर्नुपर्ने बताए । आफुले नागरिकता र पासपोर्ट लगायतका काममा सहज ढंगले सेवा दिने गरी कार्यलयलाई व्यवस्थीत गरिदिने प्रतिवद्धता जनाएका छन ।