सिन्धुपाल्चोक, १२ माघ । करेन्ट लागेर हेलम्बु गाँउपालिका वडा नम्बर ४ ग्याल्थुम भोटेपाखामा एक महिलाको मृत्यु भएको छ ।

आज बिहान ११ बजेतिर पत्कर सोर्न गएकि सोहि वडाको ग्याल्थुम निवासी  ४५ बर्षिय सारदा लामिछानेको करेन्ट लागि ज्यान गएको इलाका प्रहरी कार्यालय हेलम्बुका प्रहरी जवान अनिल घर्तीले जानकारी दिए ।

हाइटेन्सन  लाइनको पोलबाट भुइमा लत्रिएको नेटको तारमा करेन्ट सट भै सपोटको फलामको तारमा करेन्ट प्रवाह भएको हुनसक्ने प्रहरीको भनाइ छ । उनको शरिर केहि जलेको अवस्थामा फेला परेको प्रहरीले जनाएको छ ।

शव पोष्टमार्टमका लागि मेलम्ची ल्याउने तयारी भइरहेको छ। घटनाबारे थप अनुसनधान जारी छ ।  स्थानीयले बिजुलिको तारको उचित ब्यबस्थापन, क्षतिपूर्ति लगायत पाउनु पर्ने माग गरेका छन ।