मेलम्ची । हेलम्बु एजुकेसन एण्ड लाइभलिहुड पार्टनरसिप (हेल्प) ले मेलम्ची नगरपालिका -७ स्थित ज्योति भञ्ज्याङ् आधारभूत विद्यालयका ११५ जना बिद्यार्थीलाई न्यानो कपडा वितरण गरेको छ ।
आज एक कार्यक्रमका विच हेल्पका अध्यक्ष जिमी लामाले ECD देखि कक्षा ५ सम्मका बिद्यार्थीलाई न्यानो कपडासंगै पुस्तकालयका लागि ७८ प्रकारका पुस्तक समेत प्रदान गरेका छन ।
पुष्तकालयका लागि विभिन्न शीर्षकका ७७ प्रकारका पुष्तकहरू प्राप्त गरेँ संगै शैक्षिक गुणस्तरमा सहयाेग पुग्ने विश्वास लिएकाे प्रधानाध्यापक धिरज श्रेष्ठले बताए । ‘हेल्प प्रति विद्यालय परिवार हार्दिक आभार प्रकट गर्दछ’, श्रेष्ठले भने ।
कार्यक्रम पश्चात् हेल्पले शिक्षकहरूसंग अन्तरक्रिया गरेकाे छ । आगामी दिनमा विद्यालयलाई थप शैक्षिक सहयाेग गर्दै जाने हेल्पका अध्यक्ष जिमी लामाले जानकारी दिए ।
विद्यालयका अध्यक्ष वीरबहादुर दाेङकाे पहल र वडाकाे सिफारिसमा HELP ले विद्यार्थीहरूलाई न्यानाे कपडा प्रदान गरेकाे विद्यालयले जनाएकाे छ । कार्यक्रममा मेलम्ची ७ का वडा अध्यक्ष पासाङ तामाङ, हेल्पका अध्यक्ष जिमी लामा, विद्यालय व्यवस्थापन समिती अध्यक्ष विरबहादुर दोङ लगायतको उपस्थिती रहेको थियो ।
त्यस्तै आजै भैरवी आधारभुत बिद्यालय मेलम्ची ११ का ४० जना विद्यार्थीलाई पनि झोला लगायत हाइजिन कीट लगायत सहयोग गरिएको अध्यक्ष लामाले जानकारी दिए ।
