नवलपुर, सिन्धुपाल्चाेक । इन्द्रावती गाउँपालिकाले आयोजना गरेको खेल विवादको चौघेरामा परेकाे इन्द्रावती गाउँपालिकाका प्रवक्ता तथा इन्द्रावती ५ का अध्यक्ष शशिनाथ आचार्यले बताएका छन ।

इन्द्रावती सृजनशिल युवा समाजद्वारा आयोजित प्रथम गाउँपालिका स्तरीय सेभेन ए साइड इन्द्रावती बुढीचौर कप फुटबल प्रतियोगिता २०८० को उद्वाटन कार्यक्रममा मन्तब्य राख्दै पालिकाले आयोजना गरेको खेल विवादको चौघेरामा परेकाले अब गर्ने खेल विवाद रहित बनाउनुपर्नेमा प्रवक्ता आचार्यले जाेड दिए । यस अघि भएका अध्यक्ष कप र राष्ट्रपति रनिङ्गसिल्ड खेलमा विवाद आएकाे थियाे ।

पालिका स्तरिय खेल आयोजना गर्नु चुनौतीको कुरा भएकाले आफुले संस्थाले गरेकाे खेलकुद प्रतियाेगिताकाे प्रशंसा गरेकाे बताए । इन्द्रावतीका युवाहरूमा खेल प्रतिको आकर्षण बढ्दो रहेकाले गाउँपालिकाले यथोचित सम्बोधन गर्न जरूरी रहेको उनकाे भनाई छ ।

‘खेलको लागि गाउँपालिकाले प्रोत्साहन गर्न जरूरी छ’, उनले भने । अब छिटै नै पालिका स्तरिय खेलकुद बिकास समिति गठन गर्ने र त्यसले खेलकुदको बिकास गर्ने पनि उनले जानकारी दिए ।