इन्द्रावती सृजनशील युवा समाज द्वारा आयोजित प्रथम गाउँपालिका स्तरीय सेभेन ए साइड इन्द्रावती बूढीचौर कप फुटबल प्रतियोगिता २०८० मा आज दोस्रो आइतवार दिन ५ खेल भएका छन् ।
आज भएको समुह चरणको पहिलो खेलमा सिपाटार युथ क्लब इन्द्रावती ९ लाई २–१ गोलले हराउँदै आयोजकको सि टोली बिजयी भएको छ । त्यस्तै दोस्रो खेलमा डुमिनडाँडा युवा क्लब इन्द्रावती ७ लाई इन्द्रावती ५ ले २–० गोल अन्तरले हराएको छ । त्यस्तै प्रि क्वाटरफाइनको पहिलो खेलमा आयोजकको ए टिमले कलिका युथ क्लब इन्द्रावती ९ लाई ७–० गोलले पराजित गर्दै खेल आफ्नो पक्षमा पारेको छ ।
त्यस्तै आज भएको अन्य खेलमा इन्द्रावती ९ ले इन्द्रावती ४ लाई ३–१ गोल अन्तरले र इन्द्रावती ३ सुर्यकोट किङलाई २–० गोल अन्तरले हराएको आयोजक संस्थाका अध्यक्ष सुवास तामाङले जानकारी दिए । साथै प्रि क्वार्टरफाइनलका बाँकी ५ खेल भोलि हुने पनि उनले जानकारी दिए ।
२१ टिम सहभागी प्रतियोगिता खेल ६ दिन सम्म चल्ने र खेलको विजेताले ७५ हजार नगद सहित मेडल र प्रमाणपत्र प्राप्त गर्नेछ । त्यस्तै उपविजेताले ५० हजार सहित मेडल प्रमाणपत्र प्राप्त गर्नेछ । प्रतियोगिता नक आउट प्रकृयाबाट खेलाइने आयोजकले जनाएको छ । प्रतियाेगिताकाे समापन १८ गते हुनेछ ।
