मेलम्ची । खोज तथा उद्घार सम्बन्धि एकदिने अभिमुखिकरण तालीम मेलम्चीमा सम्पन्न भएको छ ।

रीड नेपालको आयोजना, करुणा ट्रस्टको आर्थिक सहयोग र मेलम्ची नगरपालिका संगको समन्वयमा भएको तालिममा मेलम्ची नगरपालिका वडा अध्यक्षहरु, ७ वटा विद्यालयका इको क्लब शिक्षक, विद्यार्थी, सामुदायिक वनका पदाधिकारी लगायतको सहभागीता रहेको थियो ।

कार्यक्रममा मेलम्ची नगरपालिकाका उपप्रमुख उमा प्रधानले सिन्धुपाल्चोक विपदग्रस्त जिल्ला भएकाले पनि यहाँ विपदसंग सम्बन्धी धेरै सचेतनाका कार्यक्रम आवश्यक रहेको बताइन । विपद जतिबेला पनि पर्ने भएकाले पुर्वतयारीको लागी चनाखाे हुनुपर्ने उनकाे भनाई छ ।

कार्यक्रममा संस्थाका अध्यक्ष निरा शाक्यले सिकेका सिपलाई प्रयोगमा ल्याउन आग्रह गरिन । उनले विपदका बेला कसरी कार्यगर्ने, कस्तो भूमिका निर्वाह गर्ने भन्ने बिषयमा तालीम फलदायी हुने बिश्वास लिएको बताइन ।