नवलपुर, सिन्धुपाल्चाेक । इन्द्रावती गाउँपालिका वडा नं. ३ र ९ जोड्ने झ्याँडी खोला झोलुङ्गे पुलकाे उद्घाटन भएकाे छ । एक कार्यक्रमका बिच शुक्रवार गाउँपालिकाका अध्यक्ष झम्क नेपालले साे पुलकाे उद्घाटन गरेका हुन ।

नेपाल सरकार, इन्द्रावती गाउँपालिका र दातृ संस्था SWAP काे आर्थिक सहयाेगमा पुलकाे निर्माण गरिएकाे थियाे । सामाजिक तथा प्राविधिक सहयाेग CDECF ले गरेकाे थियाे । इन्द्रावती गाउँपालिकाको अथक प्रयास पश्चात मानव जीवनको दैनिकिलाई सहजता बनाउने योजनाका साथ झाेलुङ्गे पुलकाे निर्माण गरिएकाे अध्यक्षका स्वकिय सचिव सुनिल तामाङले जानकारी दिए ।

४७ मिटर लामाे झाेलुङ्गे पुलले इन्द्रावती गाउँपालिका वडा नं ३ र ९ लाई जाेड्ने र १०७५ घरधुरी लाभान्वित हुने गाउँपालिकाले जनाएकाे छ । पुल ३४ लाख ४० हजार मा निर्माण भएकाे हाे ।

उपभाेक्ता समिति र इन्द्रावती गाउँपालिका बिच झाेलुङ्गे पुल निर्माणकाे लागि २०७९ चैत्र २९ गते सम्झाैता भएकाे थियाे । पुल उद्घाटन कार्यक्रममा इन्द्रावती गाउँपालिकाका अध्यक्ष झम्कनाथ नेपाल, वडा नं ३ का अध्यक्ष भिमसेन थापा, वडा नं ९ का अध्यक्ष बाबुराम लामा, CDECF का अध्यक्ष रामजी थापा लगायत स्थानियहरूकाे सहभागीता रहेकाे थियाे ।