मेलम्ची, सिन्धुपाल्चाेक । रास्ट्रिय स्वतन्त्र पार्टी रास्वपाले आज मेलम्चीबाट दबाब यात्रा सुरु गरेको छ । पार्टी सभापति रवि लामिछानेले २१ वटा गाग्री हस्तान्तरण गर्दै आज मेलम्ची खानेपानी आयोजनाको लागी दबाब यात्रा शुभारम्भ गरे । घण्ट बजाएर कार्यक्रमको उद्घाटन गर्दै लामिछानेले यहाँका समस्या समाधानका लागी संसदमा ध्यानाकर्षण गराउने बताए ।
जनतालाई सुख दिने र नेतालाई जिम्मेवारी बनाउने उदेश्यले कार्यक्रम आयोजना गरेको बताउँदै सभापति लामिछानेले भनेर हैन गरेर देखाउने भएकाले आफैं यो अभियानमा होमिएको प्रष्ट पारे । हिजोको रातो क्रान्तिमा रगत बग्यो अब निलो क्रान्ति हरुमा पसिना बगाउने अभियानको सुरुवात भएको समेत उनले बताए ।
कार्यक्रममा सांसद स्वर्णिम वाग्लेले भोलि देखी संंसद अधिवेशन सुरुहुने भएकाले जनताको आवाज रास्वपाले त्यहीँ गएर बोल्ने बताए । सदनमा खराब कानुनका बारेमा लड्ने र सडकमा खराब आयोजनाका बारेमा बोल्ने उनले बताए । रुग्ण आयोजनालाई सम्पन्न गर्नका लागी यो दबाब मुलुक अभियान सफल हुने वाग्लेले जानकारी दिए ।
मेलम्ची २०४७ साल देखी सुरुभएको आयोजना मेलम्ची खानेपानी अहिले सम्म सम्पन्न नहुनुले भ्रष्टाचारको जननी भएको र कुशासनले जगडिएको वाग्लेले दावी गरे । देशमा नियुक्ति किनबेच गरेर, कागज मिलाएर गरिने नितिगत भ्रष्टाचार र निर्माण व्यवसायमा गरिने भ्रष्टाचारका कारण अहिले देशमा लुटतन्त्र मच्चीएको उनकाे भनाई छ ।
आजको दबाब यात्राको नेतृ सांसद सोवीता गौतमले शान्तिपुर्ण दबाब यात्रालाई साथ दिनका लागी सिन्धुपाल्चोक वासिमा आह्वान गरिन ।
