नवलपुर, सिन्धुपाल्चाेक । समाजसेवी दयाकुमारी मिश्रकाे पहलमा इन्द्रावती ४ टाकुरेका आगलागी पिडितलाई आर्थिक साथै लत्ताकपडा सहयाेग गरिएकाे छ ।

बालादेवि कालिकादेवि मन्दिर संरक्षण समितिका अध्यक्ष मिश्रकाे पहलमा आर्थिक सहयाेग गरिएकाे हाे । समितिका अध्यक्ष दयाकुमारी मिश्र लगायत १७ जनाले २२ हजार ५ सय ६० रूपैयाँ आर्थिक सहयाेग संकलन गरि पिडितलाई सहयाेग गरिएकाे हाे ।

सहयाेग गर्नेहरूमा दया कुमारी मिश्र ५०५५, गिता मिश्र ५०००, हरि दाहाल २०००, थरेन्द्र मिश्र १००५, धन बहादुर तामाङ १०००, गाेविन्द खनाल १०००, मुक्तिनाथ भट्टराई १०००, विदुर काफ्ले १०००, राम प्रसाद काफ्ले १०००, मिठ्ठु काफ्ले १०००, बिष्णु प्रसाद भट्टराई ५००, नाेदनाथ मिश्र ५००, बिष्णु प्रसाद आचार्य ५००, शिव प्रसाद आचार्य ५००, भवानी मिश्र ५००, खड्गकुमारी काफ्ले ५०० र भगवती आचार्य ५०० रहेकाे छ ।

आगलागी पिडित रामकृष्ण गजुरेललाई सहयाेग हस्तान्तरण गर्दै दु:ख पिडामा मलम लगाउनकाे लागि सहयाेग गरिएकाे मिश्रले बताइन । ‘उहाँहरूलाई परेकाे पिडामा हामीले सहयाेग गर्नुपर्छ भन्ने भावनाले सहयाेग गरेका छाैँ’, उनले भनिन ।

पिडितलाई रकम संगै लत्ता कपडा समेत सहयाेग गरिएकाे छ । मिश्रकाे पहलमा ढकाल फेन्सी स्टोर मेलम्चीका प्रोपाइटर रामहरी ढकाल र न्यु फेन्सी स्टोरका प्रोपाइटर गणेश ढकाल बाट टाकुरे आगलागि पिडित साबित्री गजुरेल परिवारलाई लत्ता कपडा सहयोग गरिएकाे हाे ।

सहयाेग रकम र लत्ता कपडा बुझ्दै पिडित रामकृष्ण गजुरेलले अब व्यवसायमा फर्कन सक्ने वातावरण खाेजिरहेकाे बताए । ध्वस्त भएका घर र टहरा पुननिर्माणकाे लागि संघ संस्था र व्यवसायीहरूमा सहयाेगकाे लागि समेत गजुरेलले अनुराेध गरे ।

शुक्रवार बिहान अन्दाजि ५ बजे इन्द्रावती ४ का रामकृष्ण गजुरेलकाे घरसंगै रहेकाे कुखुराकाे टहराेबाट आगाे लागेकाे र टहरा सहित घर जलेर नश्ट भएकाे थियाे । आगलागीका कारण अनुमानीत ३५ लाख बराबरकाे क्षति भएकाे थियाे ।