नेकपा एमाले निकट राष्ट्रिय युवा संघ नेपाल अन्तर जिल्ला कमिटी सिन्धुपाल्चोकको अध्यक्षमा अनिल सापकोटा निर्विरोध निर्वाचित भएका छन् ।

काठमाडौँको पेप्सिकोलास्थित सान बैँकेटमा शुक्रवार (आज) भएको दोश्रो अधिवेशनबाट सापकोटा अध्यक्षमा निर्वाचित भएका हुन् । लामो समयदेखि राष्ट्रिय युवा संघ नेपालमा आबद्ध रहेका सापकोटा यसअघि सह-संयोजकको भूमिकामा थिए ।

राष्ट्रिय युवा संघ नेपालका केन्द्रीय उपाध्यक्ष कृष्ण हरि केसीको प्रमुख आतिथ्यतामा भएको अधिवेशनले उपाध्यक्षमा बुद्ध तामाङ, सचिवमा रोजन श्रेष्ठ, सह सचिवमा गजेन्द्र गुरुङ, सह सचिवमा शशिला बस्नेत, कोषाध्यक्षमा रामेश्वर सिग्देल चयन गरेको छ ।

त्यस्तै सदस्यहरूमा समीर श्रेष्ठ, श्री कृष्ण कार्की, सुरज श्रेष्ठ, देश पाख्रिन, रूपेश श्रेष्ठ, छेवाङ नुर्पु शेर्पा, चिरञ्जीवी कार्की, दिपक कार्की, सुनिल खतिवडा, लक्ष्मण दुलाल र सुस्मिता शेर्पा रहेका छन ।