नेकपा एमाले बागमती प्रदेश सचिवमा बालकृष्ण देउजा मनोनीत हुनुभएको छ। मंगलबार बसेको पार्टी सचिवालय बैठकले सिन्धुपाल्चोकका देउजालाई प्रदेश सचिवमा मनोनीत गर्ने निर्णय गरेको हो।

यसअघि प्रदेश सचिव रहनुभएका नवराज सिलवाल केन्द्रीय सदस्यको उम्मेदवार बनेपछि उक्त पद रिक्त भएको थियो। पार्टी विधानअनुसार तल्लो कमिटीमा जिम्मेवारीमा रहेका व्यक्ति माथिल्लो कमिटीमा उम्मेदवार बनेपछि तल्लो तहको पद रिक्त हुने व्यवस्था छ।

इन्द्रावती गाउँपालिकाको सूचना

नवनियुक्त सचिव देउजा यसअघि बागमती प्रदेश कमिटीको सचिवालय सदस्यको जिम्मेवारीमा रहनुभएको थियो। पार्टी संगठन निर्माण र व्यवस्थापनमा सक्रिय भूमिका निर्वाह गर्दै आउनुभएका देउजाको मनोनयनले प्रदेश कमिटीको कार्यसम्पादन थप प्रभावकारी हुने अपेक्षा गरिएको छ।