फागुन २१ मा हुने प्रतिनिधिसभा सदस्य निर्वाचनअन्तर्गत सिन्धुपाल्चोक–२ का उम्मेदवार वंशलाल तामाङले हेलम्बु र पाँचपोखरी थाङपाल गाउँपालिकालाई “अर्गानिक भ्याली” का रूपमा विकास गर्ने योजना अघि सारेका छन्।
सोमबार मेलम्ची नगरपालिका भित्रका युवासँगको कार्यक्रममा बोल्दै तामाङले विकट गाउँहरूलाई अवसरका रूपमा लिनुपर्नेमा जोड दिनुभयो । हेलम्बु र पाँचपोखरीमा अर्गानिक कृषि, पर्यटन तथा स्थानीय उत्पादन प्रवर्द्धनमार्फत युवालाई रोजगारी सिर्जना गर्न सकिने उहाँले बताउनुभयो ।
आफू निर्वाचित भए यी दुई गाउँपालिकालाई प्राथमिकतामा राखी काम गर्ने प्रतिबद्धता व्यक्त गर्दै उहाँले पाँच वर्षभित्र बृहत् योजना बनाएर क्षेत्र नं. २ लाई विकसित बनाउने दाबी गर्नुभयो ।