टाकुरे, सिन्धुपाल्चाेक । इन्द्रावती गाउँपालिका ४, स्थित टाकुरेमा आगलागीबाट पिडित शिक्षक सावित्री गजुरेलको परिवारलाई नेपाल राष्ट्रिय शिक्षक संङ्गठन जिल्ला समिति सिन्धुपाल्चोकको समन्वयमा सङ्कलित दुइ लाख सत्तरी हजार एक सय रुपैयाँ सहयोग हस्तान्तरण गरिएको छ ।
संगठनका बागमती प्रदेश अध्यक्ष राजेन्द्रकुमार श्रेष्ठ एवं नेपाल शिक्षक महासंघ राष्ट्रिय समिति सदस्य राधाकृष्ण श्रेष्ठ सहित जिल्ला सहित संगठनका जिल्ला समितिका पदाधिकारीहरुले सामुहिक रुपमा आज उक्त संकलित रकम हस्तान्तरण गरिएको हो । गत हप्तादेखि जिल्ला समितिको समन्वयमा राहत सहयोग संकलन अभियान सुरु गरिएको थियो ।
एउटा शिक्षकमाथी परेको विपदमा साथ दिनु अरु शिक्षकको पनि जिम्मेवारी भएकोले जिल्ला समितिको निर्णय अनुसार सहयोग संकलन अभियान सञ्चालन गरिएकोमा जिल्लाका झण्डै डेढ सय शिक्षकहरुमार्फत संकलन भएको सहयोग हस्तान्तरण गरिएको संगठनका जिल्ला कोषाध्यक्ष कृष्णप्रसाद ढुंगानाले जानकारी दिए ।
