तिलगंगा आँखा प्रतिष्ठान काठमाडौं र तिलगंगा सामुदायिक आँखा केन्द्र मेलम्चीको आयोजनामा भएको निशुल्क आँखा शिविरमा १३९ जनाको शल्यक्रिया गरिएको छ ।
मेलम्ची नगरपालिकाको वडा नम्बर ४ पिप्लेमा भएको शिविरमा १९० जना, मेलम्ची ७ मा १५० जना, मेलम्ची ११ मा १६६ जना, इन्द्रावती १२ भिमटारका ११६, हेलम्बु गाउँपालिका वडा नम्बर २ किउलका ७३, पाँचपोखरी थाङपाल गाउँपालिका वडा नम्बर ५ गुन्साका १८४ र तिपेनीका १७२ गरि १ हजार ५१ जनाले सेवा लिएका थिए ।
सेवा लिएका मध्य १२२ जनामा मोतियाविन्दु फेला परेका र अन्य गरि १३९ जनाको मोतियाबिन्दुको सल्यक्रिया गरिएको तिलगंगा सामुदायिक आँखा केन्द्र मेलम्चीका प्रमुख आशिष भट्टले जानकारी दिए । तिलगंगा आँखा प्रतिष्ठान काठमाडौंका वरिष्ठ नेत्ररोग विशेषज्ञ डाक्टर सुष्मा दुवालको टोलिले विरामिहरुको सल्यक्रिया गरेकि थिइन ।
मेलम्ची नगरपालिकासँगको समन्वयमा मोतियाविन्दु शिविर अन्य सम्बन्धीत पालिकाहरुको समन्वयमा शिविर सञ्चालन गरिएको भट्टले जानकारी दिए । शिविरमा जाँचगर्न आएका विरामिहरुलाई मेलम्ची नगरपालिकाले जाउलोको ब्यबस्था गरेको थियो भने इन्द्रेश्वरी माध्यमिक विद्यालयले बसोबास र भोलिन्टियर तथा जिल्ला रेडक्रस सोसाइटिले कम्बलको ब्यबस्था गरेको थियो ।
