पाँचपोखरी टी–२० जिल्लास्तरीय क्रिकेट प्रतियोगिताको छैटौँ संस्करण १२ देखि १९ फागुनसम्म सञ्चालन हुने भएको छ ।

सिन्धुपाल्चोकको पाँचपोखरी थाङ्पालधाप गाउँपालिका र खेलकुद विकास समितिको आयोजनमा हुने प्रतियोगिता मूलपानी तल्लो क्रिकेट मैदानमा हुने भएको छ । प्रतियोगितामा सिन्धुपाल्चोक जिल्लाका आठ टोलीको सहभागिता रहनेछ ।

इन्द्रावती गाउँपालिकाको सूचना

आयोजकका अनुसार सहभागी टोलीमा सिन्धुपाल्चोक जिल्लावासी मात्र सहभागी हुन पाउनेछन् । सहभागी टोलीले यस वर्षदेखि अन्तर्राष्ट्रिय प्रतियोगिताको उमेर समूह तथा राष्ट्रिय टोलीबाट खेलिसकेका एक खेलाडीलाई राख्न पाउनेछन् ।

प्रतियोगिताको सुरुआती तीन संस्करण पाँचपोखरी थाङ्पाल गाउँपालिकाकै खेलमैदान तथा पछिल्ला दुई संस्करण मूलपानी भएको थियो । प्रतियोगिताको विजेताले एक लाख तथा उपविजेताले ५० हजार रुपैयाँसहित ट्रफी, मेडल र प्रमाणपत्र प्राप्त गर्नेछन् ।

प्रतियोगितोको सर्वोत्कृष्ट खेलाडी, उत्कृष्ट ब्याटर, उत्कृष्ट बलर र उत्कृष्ट अलराउन्डरलाई ट्रफी तथा प्रमाणपत्र प्रदान गरिनेछ । साथै, ग्रेट हिमालयन क्रिकेट एकेडेमी (जिसिए) ले सर्वोत्कृष्ट खेलाडीलाई एक वर्ष र उत्कृष्ट बलर एवं उत्कृष्ट ब्याटरलाई ६ महिना निःशुल्क क्रिकेट प्रशिक्षण प्रदान गर्ने प्रतिबद्धता जनाएको आयोजना बताएको छ ।