इन्द्रावती, सिन्धुपाल्चाेक । इन्द्रावती गाउँपालिका स्तरीय प्रथम वडाध्यक्ष रनिङ शिल्ड भलिबल प्रतियोगिता सुरु भएको छ । युवा तथा खेलकुद विकास समिती इन्द्रावती -७ को आयोजनामा राजेश्वरी स्कुलको खेल मैदानमा प्रतियोगिताको वाइसियल नेपालको फ्राक्सन इन्चार्ज एवम् नेकपा माओवादी केन्द्रका केन्द्रिय सदस्य रामप्रसाद सापकोटा(दिपशिखा)ले प्रतियोगिताको शुभारम्भ गरे ।

इन्द्रावती गाउँपालिकाको सूचना

खेलमा पालिकाका ९ टिमको सहभागीता रहेको वडा खेल विकास समितिका अध्यक्ष प्रकाश घिमिरेले जानकारी दिए । प्रतियोगिता २६ गते सम्म चल्ने छ । कार्यक्रममा वडा नम्बर ७ का अध्यक्ष रबिन्द्रकुमार खातीले भलिवल प्रतियोगीताले खेलाडी उत्पादनमा सहयोगी भुमिका खेल्ने बिश्वास ब्यक्त गरे ।

प्रतियाेगितामा प्रथम हुनेले ४० हजार, दृतिय हुनेले २० हजार र तृतिय हुनेले १० हजार पुरस्कार प्राप्त गर्नेछन । उद्घाटन खेलमा इन्द्रावती वडा नम्बर ७ रातो र वडा नम्बर १२ विच  प्रतिस्पर्धा भएकाेमा वडा न ७ रातो बिजयी भएको छ ।