दुवाचाैर । भट्टार- तालामाराङ सडक कालोपत्रेका लागी मेलम्ची नगरपालिकाका प्रमुख आइतमान तामाङले शिलान्यास गरेका छन ।
आज मेलम्ची नगरपालिकाका प्रमुख तामाङ सहित, उपप्रमुख उमा प्रधान, वडा नम्बर ७ का अध्यक्ष पासाङ दोङ, वडा नं ६ का वडा अध्यक्ष प्रेम बहादुर ताममङ, प्रमुख प्रशासकीय अधिकृत निमेश मिश्र लगायतकाे उपस्थितिमा शिलान्यास कार्यक्रम भएकाे हाे ।
इन्द्रावती गाउँपालिकाको सूचना
कार्यक्रममा नगर प्रमुख आइतमान तामाङले संघ र नगरपालिका मिलेर सडक स्तर उन्नति र कालोपत्रेको लागी बजेट ब्यबस्था गरि अहिले काम सुरु भएको बताए । बहुबर्षिय योजना भएकाले अहिले २ करोड रुपैयाँको काम हुने मेयर तामाङले जानकारी दिए ।
तालामाराङ भट्टार पुलका लागी प्रदेश र संघ लाई नगरसभा बाट सिफारिस गर्ने समेत तामाङले प्रतिबद्धता जनाए । नगर प्रमुख तामाङले नगरलाई समृद्ध बनाउन अहिलेको जनप्रतिनिधिको दायित्व र जिम्मेवारी भएकाले शिक्षा, स्वास्थ्य, कृषि, पर्यटन, खानेपानी लगायतका क्षेत्रमा नगरपालिकाले काम गरिरहेको जानकारी दिए ।
निर्माणको जिम्मा पाएको श्री रुद्रादेवी बटुसफल जेभिले सडक कालोपत्रे, सोलिङ, ग्राभेल, नाला, वाल लगायतको काम २०८३ साल माघ सम्म सम्पन्न गर्नुपर्ने छ । तिन बर्से आयोजनाको लागि ६ करोड ७८ लाख रुपैयाँमा सम्झौता भएको छ ।
