सिन्धुपाल्चाेक । आजदेखि नेपाली कांग्रेसको ‘समुदायमा कांग्रेस’ अभियान सुरु भएको छ ।
शहीद दिवसको अवसर पारेर कांग्रेसले आजदेखि औपचारिक रुपमा अभियानको सुरुआत गरेको हो । अभियानअन्तर्गत आज सबै वडा तहमा कार्यक्रम हुने कांग्रेसले जनाएको छ ।
इन्द्रावती गाउँपालिकाको सूचना
अभियानका लागि ७७ जिल्लामै केन्द्रीय प्रतिनिधि र ७ वटै प्रदेशमा शीर्ष नेताहरु खटाइएको छ । यही अभियानअन्तर्गत महामन्त्री गगनकुमार थापाले हुलाकी राजमार्ग वरपरका जिल्लामा ‘संवाद यात्रा’ सुरु गरिसकेका छन् ।
‘समुदायमा कांग्रेस’ अभियान अन्तर्गत नेपाली कांग्रेस सिन्धुपाल्चाेकले पनि वडा तहसम्म प्रतिनिधि खटाउने भएकाे छ । वडा तह सम्म खटाउने प्रतिनिधि भने जिल्ला कार्यसमितिले ताेक्ने जिल्ला प्रवक्ता नवराज भट्टराईले जानकारी दिए ।
‘जिल्ला कार्यसमितिले आज भाेलिमै प्रतिनिधि छनाैँट गर्छाैँ, महासमिति सदस्य, महाधिवेशन प्रतिनिधि, जिल्ला कार्य समिति सदस्य, पूर्व पदाधीकारी, क्षेत्रिय कार्य समिती पदाधीकारी सदस्य लगाएतको प्रतिनिधिहरू वडामा खटिनुहुनेछ’, प्रवक्ता भट्टराईले भने ।
२६ गते सम्म सञ्चालन हुने अभियानमा नेताहरूले जनताका कुरा सुन्ने उनले बताए । ‘तर, औपचारिक कार्यक्रम भने हुनेछैनन्’, उनले भने ।
सिन्धुपाल्चाेकमा समुदायमा कांग्रेस अभियान १४ गतेबाट शुभारम्भ भएकाे थियाे । नेपाली कांग्रेस सिन्धुपाल्चोक जिल्ला सभापति जंग बहादुर लामा को सभापतीत्वमा भएकाे कार्यक्रममा सिन्धुपाल्चोक जिल्लाका लागी केन्द्रबाट खटिएका केन्द्रीय सदस्य शिव प्रसाद हुमागाईको प्रमुख आतिथ्यता रहेकाे थियाे ।
