गहते, सिन्धुपाल्चाेक । इन्द्रावती गाउँपालिका वडा नं २ का वडा अध्यक्ष श्याम बहादुर गिरिले इन्द्रावती गाउँपालिकामा १२ कक्षा सम्म नि:शुल्क शिक्षा हुनुपर्ने बताएका छन ।
श्री चन्द्रावती आधारभुत विद्यालय इन्द्रावती ८, गहते काे ३६ औँ वार्षिकाेत्सव कार्यक्रममा मन्तव्य राख्दै वडा अध्यक्ष गिरिले इन्द्रावतीमा कक्षा १२ सम्म नि:शुल्क शिक्षा हुनुपर्ने र आफुले कार्यपालिकामा पनि त्यसकाे लागि जाेडदार आवाज उठाएकाे बताए । ‘१२ कक्षा सम्म नि:शुल्क शिक्षा हुनुपर्छ भनेर कार्यपालिकामा जाेडदार आवाज उठाएकाे छु’, उनले भने ।
भाेटेकाेशी गाउँपालिका र बाह्रविसे नगरपालिकाले कक्षा १२ सम्म निशुल्क शिक्षा दिएकाे उदाहरण दिँदै उनले इन्द्रावती गाउँपालिकामा पनि त्याे कुरा लागू हुनुपर्ने बताएका छन । ५,६ जना वडा अध्यक्षहरू एक भएर शैक्षिक सुधारकाे लागि निरन्तर आवाज उठाइरहेकाे उनले जानकारी दिए ।
आगामी आर्थीक बर्षकाे बजेटमा शिक्षामा आमुल परिवर्तन हुने गरि याेजना ल्याउन कार्यपालिकामा कुराहरू राख्ने वडा अध्यक्ष गिरिले प्रतिवद्वता व्यक्त गरे । आगामी आर्थीक बर्ष बाट इन्द्रावतीकाे शैक्षिक क्षेत्रकाे सुधार हुनेमा उनले विश्वास ब्यक्त गरे । ‘गाउँमै राेजगारी उपलब्ध हाेस र काेहि पनि बाहिरिन नपराेस भन्ने हाम्राे चाहना छ’, उनले भने ।
