सिन्धुपाल्चोक जिल्लाको पाँचपोखरी थाङपाल गाउँपालिका ४ थाङपालकोटमा दोस्रो रामबहादुर तामाङ स्मृति फुटबल प्रतियोगिता हुने भएको छ ।
न्यु जेनेरेसन थाङपालकोट क्लबको आयोजनामा पाँचपोखरी थाङपाल गाउँपालिका वडा नम्बर ४ का स्वर्गिय पूर्व वडाअध्यक्ष राम बहादुर तामाङको सम्झनामा फुटबल प्रतियोगिता हुँदै आएको छ । पेमाथाङ समानता खेल मैदान थाङ्गपालकोटमा आउँदो माघ १५ देखी १९ गते सम्म हुने प्रतियोगितामा विजेता हुने टिमले रु १ लाख, शिल्ड, मेडल र प्रमाण पत्र पुरस्कार पाउनेछन् । उपविजेता टिमले रू. ५० हजार शिल्ड, मेडल र प्रमाण पत्र पुरस्कार प्राप्त गर्ने क्लबका पुर्व संयोजक तथा खेलाडी आकाश लामाले जानकारी दिए ।
प्रतियोगिताको गाँउपालिकाका अध्यक्ष टासी लामाले उद्घाटन गर्ने कार्यक्रम छ । प्रतियोगितामा भाग लिन इच्छुकले टिमले माघ १४ सम्म टिम दर्ता गर्न सकिने लामाले जानकारी दिए । गत बर्ष बरुवा युवा क्लवले उपाधि जितेको थियो ।
