मेलम्ची युवा समूहकाे अनुराेधमा इन्टरनेट सेवा प्रदायक कम्पनी वर्ल्डलिंकले डस्टबिन सहयाेग गरेकाे छ। कम्पनीले आफ्नाे सामाजिक उत्तरदायित्व अन्तर्गत केही थान फाेहाेर फाल्ने डस्टबिन सहयाेग गरेकाे हाे ।
लामाे समयदेखि बजारमा विभिन्न सफाई अभियान चलाउँदै आएकाे मेलम्ची युवा समूहले ती डस्टबिनहरु स्थानीयवासीकाे समझदारीमा जनप्रतिनिधि र नगर उद्याेगसहितकाे सहभागितामा शनिबार बजार क्षेत्रका विभिन्न भागमा राखेकाे छ। संख्यामा थाेरै भए पनि याे सहयाेगले अरु दाताहरुलाई पनि सहयाेगकाे भावना विकसित गराउने मेलम्ची युवा समूहले अपेक्षा गरेकाे छ ।
यस समूहले नगरमा खुलेका र संचालनमा रहेका उद्याेग र कारखानाहरुले सहयाेग गर्ने हाे भने शहरलाई सफा राख्न सहयाेग पुग्ने जनाएकाे छ । अहिलेसम्म ती उद्याेगहरुले कुनै सहयाेग नगरे पनि वर्ल्डलिंकले सहयाेग गरेकाे भन्दै दाता कम्पनीलाई धन्यवाद दिएकाे छ।

इन्द्रावती गाउँपालिकाको सूचना

अहिले पाइएकाे डस्टबिनहरुकाे संरक्षण र सदुपयाेगका लागि समूहले सर्वसाधारणलाई अनुराेध पनि गरेकाे छ । जन सराेकारका विषयलाई स्थानीय तहले पनि चासाे राख्नु पर्नेमा जाेड दिँदै समूहले सहयाेगका लागि ध्यानाकर्षण गराएकाे छ । युवा समुहले पाएको डस्टविन बजारका विभिन्न स्थानमा राखेको छ ।