पाँचपोखरी थाङपाल गाउँपालिका वडा नं. ७ भोटेनाम्लाङमा निर्माणाधीन ८४ फिट अग्लो भगवान् गौतम बुद्धको प्रतिमा निर्माण कार्यमा स्थानीय सफल व्यवसायी तथा सामाजिक अभियन्ता सुरेन्द्र सुनारले उल्लेखनीय सहयोग गर्नुभएको छ।
“गाउँपालिकाको गौरवको योजना हामी सबै मिलेर समयमै सम्पन्न गरौँ” भन्ने सकारात्मक सोच र सामाजिक उत्तरदायित्वको भावनाका साथ भोटेनाम्लाङ निवासी सुनारले रु. २० हजार पाँच सय रुपैयाँ (२०,५००/-) आर्थिक सहयोग प्रदान गर्नुभएको हो ।

गाउँपालिकाको पहिचान, धार्मिक पर्यटन प्रवर्द्धन तथा सामाजिक एकताको प्रतीकका रूपमा हेरिएको यस बुद्ध प्रतिमा निर्माणमा स्थानीय दाताहरूको सक्रिय सहभागिताले कार्यलाई थप गति दिएको स्थानीयवासीहरूले बताएका छन् । यस किसिमको सहयोगले समाजमा सकारात्मक सन्देश प्रवाह हुनुका साथै आगामी दिनमा अझ व्यापक सहयोग जुट्ने विश्वास लिइएको छ।
उक्त महान् पुण्यकार्यमा महत्वपूर्ण योगदान पुर्‍याउनु हुने सुनार प्रति आयोजक तथा स्थानियले हार्दिक आभार व्यक्त गरेका छन् ।