तालामाराङ, सिन्धुपाल्चाेक । मेलम्ची नगरपालिकाका निवर्तमान नगर प्रमुख डम्बर बहादुर अर्यालले तेर्से माध्यमिक विद्यालय नमुना विद्यालय भएकाले वरिपरिका विद्यालयहरुले यस विद्यालयकाे अनुशरण गर्नुपर्ने बताएका छन ।
अनुगमन भनेर काठमाडौ लगायतका विद्यालयमा जानभन्दा तेर्से माध्यमिक विद्यालयमा आएर यहाँको गतिविधि नियाल्न उनले आग्रह गरे । मेलम्ची ६ स्थित तेर्से माध्यमिक विद्यालयको ३३ औं वार्षिकोत्सव समारोहमा मन्तव्य राख्दै अर्यालले असल नेतृत्व निर्माण गर्न सक्यो भने विद्यालयहरुमा आमुल परिवर्तन ल्याउन सकिने धारणा राखे ।
‘हामीले शिक्षामा जुन ढंगले परिवर्तन गर्ने भन्ने सोच बनाएका छौं त्यहीँ अनुसार प्रतिफल हासिल गर्नका लागी सोच्नपर्ने बेला भइसकेको छ’, उनले भने ‘शिक्षक, अभिभावक र जनप्रतिनिधिले यस बारेमा चासो र चिन्ता व्यक्त गर्नुपर्छ । आगामी पुस्ताहरुले विद्यालय संरक्षणमा उल्लेख्य भुमिका निर्वाह गर्नुपर्ने उनले बताए ।
