सिन्धुपाल्चाेक । मेलम्ची नगरपालिका वडा न –७ दुवाचौरको आयोजनामा ३ दिने साबुन तथा सरफ बनाउने तालिम आजबाट सुरु भएको छ । आर्थिक बर्ष २०८०–८१ को वडाको विनियोजित बजेट बाट लक्षित वर्ग विशेष गरि एकल महिला, दलित, भिन्न क्षमता भएका महिलाहरू लगायत गरि ४५ जना सहभागी रहेका छ्न ।
लक्षित वर्गका महिलाहरूलाई केही मात्रामा भए पनि जिविकोपार्जनसंग जोड्नको लागि यो तालिम सञ्चालन गरिएको वडा सचिव विष्णु गौतमले जानकारी दिए । वडा अध्यक्ष पासाङ तामाङले तालिम मात्र लिएर बस्ने प्रवृत्तिको अन्त्य गर्दै सीप सिकेर त्यसलाई व्यबहारमा उतार्न आग्रह गरे ।
कार्यक्रममा स्वागत मन्तव्य राख्दै मेलम्ची –७ का वडा सदस्य तथा न्यायिक समिति सदस्य श्रीकृष्ण श्रेष्ठले यस किसिमको तालिम पटकपटक गरिरहन नसकिने हुँदा ३ दिनको तालिममा ध्यान दिएर सिकेर यसको भरपुर सदुपयोग गर्नको लागि अनुरोध गरे । तालिमको सहजीकरण सावित्री श्रेष्ठ र डोल्मा तामाङले गर्नेछन ।
