सिन्धुपाल्चोकको हेलम्बु गाउँपालिका -६ स्थित हेलम्बु बोधिसत्व मोडल विद्यालयका विद्यार्थीलाई न्यानो कपडा वितरण गरिएको छ । द सिन्धुपाल्चोक बिजनेस क्लवले यस विद्यालयका २०० जना विद्यार्थीलाई न्यानो कपडा(ज्याकेट) प्रदान गरिएको हो ।

हेलम्बु गाउँपालिकाको मोडल विद्यालयको रुपमा रहेको यस विद्यालयमा नि:शुल्क छात्रबास सहित प्राबिधिक बिषय समेत अध्यापन हुने गरेको गाउँपालिकाका अध्यक्ष निमा ग्याल्जेन शेर्पाले बताए । अध्यक्ष शेर्पाले पालिकाले कक्षा १२ सम्म नि:शुल्क अध्ययनको व्यवस्था गरेको बताउँदै स्नातक तह सम्म निशुल्क गर्ने लक्ष्य रहेको जानकारी दिए ।

इन्द्रावती गाउँपालिकाको सूचना

सहयोगी संस्थाका अध्यक्ष नयनबहादुर पण्डित(क्षेत्री)ले संस्थाले सामाजिक क्षेत्रमा गरिरहेको कामको बारेमा जानकारी गराए । बिपदमा परेका तथा कम आय भएकाहरुलाई संस्थाले विभिन्न सहयोग गर्दै आएको उनले बताए ।

विद्यालय व्यवस्थापन समितिका अध्यक्ष पासाङ शेर्पाले सहयोग प्रति धन्यवाद ज्ञापन गर्दै विद्यालयलाई अझ सहयोगी संस्थाको खाँचो रहेको अवगत गराए ।

सिन्धुपाल्चोकबाट राजधानी आएर व्यापार व्यवसाय गर्दै आएका उत्साही युवाहरुले स्थापना गरेको दि सिन्धुपाल्चोक बिजनेश क्लबले बिभिन्न सामाजिक कार्य गर्दै आएको छ । संस्थाले हेलम्बु -मेलम्ची बाढि प्रभावित, बिभिन्न स्कुलमा ब्याग तथा पोशाक बितरण, बिभिन्न गम्भिर रोग लागेकाहरुलाई सहयोग लगायत बिपक्तिमा परेकालाई सहयोग गर्ने गरेको संस्थाका महासचिव रत्न पराजुलीले जानकारी दिए ।