थाङ्पालधाप माध्यमिक विद्यालय पाँचपोखरी थाङपाल -६ को अंग्रेजी विभागको आयोजना र वडा नं ६ कार्यालयको सहयोगमा “The role of Technology in Education”.विषयमा English Essay Writing Competition सम्पन्न भएको छ। प्रतियोगितामा थाङपालधाप मावि पनि सहभागी भई प्रथम स्थान हासिल गर्न सफल भएको छ।

गाउँपालिकाका अध्यक्ष टासी लामाको प्रमुख अतिथ्यता र पालिका प्रबक्ता एवम वडा अध्यक्ष नारायण भट्टराईको विषेश आतिथ्य तथा शिक्षा शाखाकी प्रतिनिधि सरिता गौतमको विशेष आतिथ्यतामा सम्पन्न भएको हो । प्रतियोगिताको क्रममा सम्बोधन गर्दै प्रमुख अतिथि टासी लामाले विद्यालयलाई धन्यवाद दिँदै आवश्यक सहयोग गर्ने प्रतिबद्धता व्यक्त गर्नुभयो। विशेष वडा अध्यक्ष अतिथि नारायण भट्टराईले सबै सहभागीलाई बधाई दिँदै आगामी दिनमा वडाबाट आवश्यक सहयोग गर्ने बताउनुभयो ।

प्रतियोगितामा थाङपालधाप माध्यमिक विद्यालयका आरबी पौडेल प्रथम, भिमविद्याश्रम माविका कृष्ण तामाङ द्वितीय, चण्डिका माध्यमिक विद्यालयका दावा साङबो बोम्जन तृतीय र याङ्री एकेडेमी सेन्टरका निर्माण स्याङबो तामाङ ले सान्त्वनास्थान हासिल गर्नुभएको विद्यालयका प्रधानाध्यापक आत्मराम दंगालले जानकारी दिनुभयो ।

प्रतियोगितामा पाँचपोखरी थाङ्पाल गाउँपालिकाअन्तर्गतका सम्पूर्ण माध्यमिक विद्यालयहरूको सक्रिय सहभागिताका लागि आयोजकले धन्यवाद व्यक्त गरेको छ।
कार्यक्रमको निर्णायक सरस्वती माबि हेलम्बु-४ का प्रधानाध्यापक कुमार घोरासैनी रहनुभएको थियो ।कार्यक्रम विद्यालय व्यवस्थापन समिति अध्यक्ष सुदे वाइबाको अध्यक्षतामा सम्पन्न भएको हो ।
कार्यक्रमको मुख्य उद्देश्य S.E.E तयारीमा सहयोग पुर्‍याउने, विद्यार्थीको अंग्रेजी लेखन कौशल विकास गर्ने तथा प्रतिस्पर्धात्मक भावना अभिवृद्धि गर्ने रहेको अंग्रेजी विभागले जनाएको छ। यसै वर्ष गठन भएको अंग्रेजी विभागले विद्यालयमा विभिन्न अंग्रेजी–केन्द्रित कार्यक्रमहरू सञ्चालन गरी विद्यालयलाई अंग्रेजीमैत्री बनाउन महत्वपूर्ण योगदान दिइरहेको छ।यस थाङपाल धाप माबि यस भेगको अग्रणी र गुणस्तरीय शिक्षामा अब्बल रहेको छ ।