भट्टराई कुलवंश प्रतिष्ठान, जिल्ला कार्यसमिति सिन्धुपाल्चोकको मूल आयोजनामा मेलम्ची–११ स्थित कुलदेवता स्थल बशिष्ठधाम कुल मन्दिर प्राङ्गणमा श्रीमद्भागवत सप्ताह ज्ञानमहायज्ञ–२०८२ आगामी मङ्सिर ८ गतेदेखि १६ गतेसम्म भव्य रूपमा आयोजना हुने भएको छ। महायज्ञमा प्रसिद्ध भागवत वाचक व्यासाचार्य पण्डित नवराज भट्टराई र पण्डित अच्युतकृष्ण अधिकारीको कथावाचन तथा भक्ति–सङ्गीत हुनेछ ।

मेलम्ची ११ स्थित धुसेनीचौरमा कुलगुरु भगवान् वशिष्ठको स्मारक निर्माण गरि यस पवित्र भुमिलाई धार्मिक एवम् पर्यटकीय भूमिको रुपमा विकास गर्ने हेतुले श्रीमद्भागवत सप्ताह ज्ञान महायज्ञ आयोजना गरिएको भट्टराई कुलवंश प्रतिष्ठान सिन्धुपाल्चोकका अध्यक्ष शिवराम भट्टराईले जानकारी दिनुभयो । महायज्ञबाट धार्मिक, आध्यात्मिक र स्थानीय पर्यटन विकासमा सकारात्मक प्रभाव पर्ने जिल्ला अध्यक्ष भट्टराईले बताउनुभयो ।

उहाँका अनुसार पछिल्ला वर्षमा भट्टराई समुदायको कुलपूजा, सांस्कृतिक पहिचान र धार्मिक आस्थालाई संरक्षण गर्दै कुलदेवता स्थलको पुनर्निर्माण तथा पर्यटन प्रवद्र्धन गर्ने उद्देश्यले महायज्ञ आयोजना गरिएको हो ।
कार्यक्रम प्रत्येक बिहान ८स्०० बजेदेखि ११स्३० बजेसम्म पाठ तथा मध्याह्न १२स्०० बजेदेखि ३स्४५ बजेसम्म कथा प्रवचन हुनेछ भने दैनिक सन्ध्या आरती अपरान्ह ४स्०० बजे हुनेछ । हरेक दिन साझ ख्यातिप्राप्त राष्ट्रिय कलाकारहरूबाट भजन किर्तन सहित मनोरञ्जन प्रदान गरिने हुँदा आयोजकले सम्पूर्ण श्रद्धालु भक्तजन, भट्टराई वंशज तथा स्थानीय समुदायलाई महायज्ञमा सहभागी भई पुण्य लाभ लिन आग्रह गरेको छ ।